Во Центарот за култура „Трајко Прокопиев“ денеска се одржа 32-от регионален противпожарен натпревар за ученици од основни и средни училишта, во организација на противпожарниот сојуз на Република Македонија. Во категоријата кадети победата ја однесоа учениците од основното училиште Крсте Мисирков, кои се натпреваруваа со основците од Кратово, Пробиштип и Свети Николе.
-32 години одржување на вакви натпревари тоа е навистина голема бројка, во натпреварите учествувале над 1.000 ученици. Тие имаа можност да научат нешто повеќе за противпожарната заштита, да освојат награди, но и да другаруваат меѓу себе. Им посакувам успех и нека победат најдобрите –изјави Никола Николов претседател на противпожарен сојуз на Република Македонија
Предметниот наставник од основното училиште Крсте Мисирков, Јасминка Бошковска истакна дека е задоволна што учениците се покажаа како најдобри.
-Како и секоја година така и оваа учениците првин освоија прво место на општинскиот натпревар па сега и на регионалниот. Се подготвуваа подолг временски период материјалот е доста тежок, учеа редовно и се надеваме дека и на државниот ќе освојат победа, и ќе бидат меѓу првите места-посочи таа.
Најдобрите од овој натпревар ќе учествуваат на републичкиот натпревар, кој ќе се одржи наредниот месец во Кавадарци.